TOP STORIES

በተከታታይ እድገትና ለውጥ የአገልግሎት አድማሱን እያሳደገ ጉዞውን የቀጠለ ጤና ተቋም–ጎሮ ጤና ጣቢያ!

በድሬዳዋ አስተዳደር ጤና ቢሮ ስር በ2001 ዓም ሥራ የጀመረው ጎሮ ጤና ጣቢያ ከ52,779 በላይ ለሚሆን የ02 ቀበሌና አካባቢው ህብረተሰብ የጤና አገልግሎት እየሰጠ ያለና በዓመት ከ100ሺ በላይ ተገልጋዮችን  እያስተናገደ የሚገኝ ተቋም ነው፡፡
ጤና ጣቢያው  የአገልግሎት አድማሱን ከጊዜ ወደ ጊዜ በማስፋት የተኝቶ ህክምናን ጨምሮ ለማህበረሰቡ የሚሰጠውን የአገልግሎት ስብጥርና ጥራት በማሻሻል ከፍተኛ ለውጥ በማስመዝገብ ላይ ነው፡፡
አሁን ደግሞ የህብረተሰቡን ፍላጎት ከፍ ባለ ደረጃ ለማሟላትና ከእርግዝናና ከወሊድ ጋር ተያያዥ በሆነ የጤና ችግር የሚከሰትን የእናቶች ሞት ለመከላከልና ለመቀነስ የሚያስችለውን የተቀናጀ ድንገተኛ ቀዶ ህክምናና በቀዶ ህክምና ማዋለድ  አገልግሎት በመስጠት አገልግሎቱን ዛሬ ቀን 09/06/2016 አቶ ገዛኸኝ ታዲዮስ የድሬዳዋ ብልፅግና ፓርቲ ጽ/ቤት የአደረጃጀት ዘርፍ ኃላፊና የጤና ጣቢያው አመራር ቦርድ ሰብሳቢ፣ የጤና ቢሮ ኃላፊ ዶ/ር ፅጌሬዳ ክፍሌ፣ አቶ ዩሱፍ ሰይድ የጤና ቢሮ ም/ኃላፊ፣ አቶ አቤል ምስራቅ የወረዳ2 ዋና ስራ አስፈፃሚ፣ ወ/ሮ ሰላም ፍቅሬ የወረዳ2 ጤና ማስተባበሪያ ኃላፊና የጤና ጣቢያው አመራር ቦርድ ም/ሰብሳቢ፣ የጤና ጣቢያው አመራር ቦርድ አባላትና የህብረተሰብ ተወካዮች እና ሌሎች የጤና ቢሮ፣ የመንግስት ጤና ተቋማትና የወረዳ2 አመራሮች በተገኙበት  በይፋ ለህብረተሰቡ በማስተዋወቅ አስጀምሯል።
ለአገልግሎቱ መጀመር ደጋፍ ላደረጉት የድልጮራ ሆስፒታል፣ ጤና ቢሮ፣ ቢዮአዋሌና ደቻቱ ጤና ጣቢያዎች ሁሉም ለስራው መሳካት ድጋፍና ትብብር ላደረጋችሁልን አካላት በሙሉ በተቋማችን ስምና በተጠቃሚው ማህበረሰብ ስም ከልብ እናመሰግናለን! ክብረት ይስጥልን!